Սիրով հրավիրում ենք Ձեզ մայիսի 19-ին ժամը 16:00-ից Գետամեջի կացարան՝ Անդրիուս Հարությունյանի հետ հավաքի և ունկնդրելու շուրջ մի փորձարարության Sonic Laboratory ծրագրի շրջանակներում:

«Այն պահին, երբ տեմպը սկսում է նահանջել իր ամենադանդաղ անկյունները, հիմնազրկության տարօրինակ զգացում է առաջանում: Փորձեք դանդաղեցնել ձեր սիրած կատարումը սկզբում կրկնակի, ապա չորս և վերջապես յոթ անգամ: Մի միլիվայրկյան, որը ձգվում է դեպի հավերժություն, ալիք, որն ինքն իր վրա է ծալվում: Դուք կսկսեք լսել, թե ինչպես են երաժշտության օրենքները փլուզվում ձեր աչքի առաջ: Ճեղքեր ու մեռած գոտիներ են հայտնվում. այն ամենը, ինչ թաքնվել էր լավ հնչելու և համահունչ լինելու փայլուն լույսերի հետևում: Լավ լինելու: Փոխարենը ի հայտ եկող այս մութ կետերը ոչ թե ձայնի զուտ բացակայությունն են, այլ յուրօրինակ նեգատիվ, որի միջոցով իրական իրերն իրենք են դրսևորվում»։

Անդրիուս Հարությունյանն իր «Ղարիբ» կոչվող ստեղծագործությունների շարքում փորձեր է կատարում ժամանակի, ներդաշնակության, դիսոնանսի և վերնակուլյար գիտելիքների հետ։ Օգտագործելով «Ղարիբ»-ի հիմքում ընկած որոշ սկզբունքներ, Հարությունյանը կներկայացնի դանդաղ չափերի հիպնոտիկ ձայնային իրավիճակ, որն առաջանում է կրկնության և ռեզոնանսի միջոցով:

«Ես պնդում եմ, որ հաջորդ անգամ փորձեք ավելի դանդաղ պարել, և դուք կնկատեք, որ նոր աշխարհ է առաջանում ձեր ոտքերի տակ»:

–

Մենք կանաչեղենից ապուր և աղցաններ ենք պատրաստելու, իսկ օրվա ընթացքում միասին ճաշելու ենք: Ձեզ հետ բերեք ուտելիք և խմիչք սեղանի համար, որպեսզի միասին անցկացնենք օրը:

–

Անդրիուս Հարությունյանը (ծն. 1991) հայ-լիտվացի նկարիչ և կոմպոզիտոր է, ով ուսումնասիրում է ձայնային տարաձայնությունը, լսողական տիեզերաբանությունը և վերնակուլյարությունը ձայնային ստեղծագործությունների, ինստալյացիաների, ֆիլմերի և փերֆորմանսների միջոցով:

2022 թվականին Հարությունյանը Հայաստանը ներկայացրել է Վենետիկի արվեստի 59-րդ բիենալեում՝ «Ղարիբ» խորագրով ցուցահանդեսով։ Նա նաև մասնակցել է Շանհայի 14-րդ բիենալե. Cosmos Cinema-ին, Լիոնի 15-րդ բիենալեին և Կաունասի 14-րդ բիենալեին: Նա մասնակցել է նաև այլ խմբային ցուցահանդեսների, այդ թվում՝ Պալե դե Տոկիո (Փարիզ), Դոկումենտա 14 Մարմինների խորհրդարան (Կասել), Լե Ֆրեզնոյ և Պոմպիդու կենտրոն (Tourcoing), FACT (Լիվերպուլ) և Ժամանակակից արվեստի կենտրոն (Վիլնյուս): 2024 թվականին Հարությունյանը ընդգրկվել է «Ապագա սերունդ» արվեստի մրցանակի թեկնածուների ցանկում (Կիև) և ստացել է DAAD կրթաթոշակ Բեռլինում 2023-24 թթ.

Կազմակերպվում է է Անն Դավիդյանի հետ համագործակցությամբ (praxis matters)։